 |
 |
|
| 2009-07-30 | ҮНДЭСНИЙ ХӨРӨНГӨ ОРУУЛАЛТЫН БАНК |
| Үндэсний Хөрөнгө Оруулалтын Банк Лондонгийн хөрөнгийн биржтэй хамтарч семинар зохион байгууллаа
Лондонгийн Хөрөнгийн Биржийн анхдагч зах зээл болох AIM-ийн үйл ажиллагаа, тухайн зах зээлд Монголын жижиг болон дунд бизнес эрхлэгчид хэрхэн гарч, хөрөнгө босгох, ашиг орлогоо яаж нэмэгдүүлэх арга боломжуудыг судлахад туслах, харилцан санал бодлоо солилцох энэхүү семинарыг Үндэсний Хөрөнгө Оруулалтын Банк Лондонгийн хөрөнгийн бирж болон Evolution Securities China компанитай хамтран 2008 оны 10 дугаар сарын 21-нд Улаанбаатар хотноо амжилттай зохион байгууллаа. Тус семинарт Монголын яам, тамгын газар, аж ахуйн нэгжийн төлөөлөгчид болох 160 хүн оролцов. Мөн түүнчлэн уг семинарт хүрэлцэн ирсэнээр AIM-aaс Монголын компаниудад санал болгож байгаа боломжууд, тэдгээртэй холбоотой бүхий л мэдээллийг хүлээн авсан байна.
Уг семинарт тавигдсан илтгэлийн сэдвүүд:
AIM-ийн талаарх сүүлийн үеийн мэдээ - Naomitsu Abe, Ахлах Менежер,
Лондонгийн Хөрөнгийн Бирж
Зөвлөх болон Брокерын үүрэг – Evolution China
Тайлагнагч нягтлан бодогчийн үүрэг – Kevin Denham, Baker Tilly
Хуульчийн үүрэг – Brad Herrold, Хуульч, Lovells
Хэлэлцээр /Бүртгэгчийн үүрэг/ – Paul Etheridge, Бизнесийн Хөгжлийн Тэргүүн, Capita Registrars
Кэйс судалгаа – Douglas John McGay, CEO, Petro Matad
ҮХОБ-ны танилцуулга - Theodore George Meegan, Дэд Ерөнхийлөгч, ҮХОБ
AIM нь Лондонгийн Хөрөнгийн Биржийн дэлхийд тэргүүлэгч үнэт цаасны зах зээл бөгөөд түүний үйл ажиллагаа нь олон улсын жижиг болон өргөжиж буй компаниудад чиглэдэг юм. AIM-ийн бүрэлдхүүнд шинээр байгуулагдсан, үйл ажиллагаа нь тогтворжсон, сайтар зохион байгуулагдсан, цаашид өргөжин тэлэх эрмэлзэлтэй бизнес эрхлэгч байгууллагууд багтдаг. 1995 онд байгуулагдсанаасаа хойш AIM-д 2100 гаруй компани элсэн орсон бөгөөд эдгээр компаниуд шинийг эрэлхийлсэн идэвхтэй үйл ажиллагаа явуулж байна. AIM-ийн амжилтын тулгуур нь жижиг компаниудын хэрэгцээнд тохирсон зохицуулалтын орчинг хялбаршуулсан аргаар бүрдүүлж чаддагт оршино. |
| | |
|
|
|
|
|
